Wat ‘n God!

Ek was laas naweek in die Kalahari.  Ons het gaan skape haal vir ons Basaar.  Weer ‘n keer is ek amazed!  Die natuur is stunning.  Daar is niks soos dit nie.  Hoekom het God dit gemaak?  Hoekom het God dit so perfek, beautifull, amazing gemaak?  Die diere!  Die sonsondergang met duisende kleure wat in die hemelruim speel.  God se skildery vir ons.  Nie eers te praat van die sterre wat so helder en naby is, dit voel of jy tussen hulle rondloop.  Hoekom het God dit alles so mooi gemaak?

Het het dit so mooi gemaak sodat ons in verwondering kan staan.  Sodat ons verwonderd kan wees.  Nie in die mooigeit van dit alleen nie.  Die misterie van hierdie asemrowende natuur, lê nie net in dit self nie.  Dit wys na iets.  Dit wys na iemand!  Dit wys na Hom.  Ons Vader!  Ons Vader wat dit alles GOED gemaak het.  Dink bietjie daaraan.  Hoe amazing moet die een wat dit alles gemaak het nie wees nie.  As die natuur jou asem wegslaan met sy skoonheid en harmonie en goedheid.  Hoeveel te meer sal God nie jou asem wegslaan nie.  Hy het dit alles gemaak.  Goed gemaak.  Hy het dit gemaak sodat dit na Hom sal wys.  Sodat dit ons sal help om te verstaan.  Hy, die Vader, Seun, Heilige Gees is goed.  Hy sorg vir alles.  Hy het nog altyd, Hy sal ook altyd.  Hy is die Alfa en die Omega.  Die begin en die einde…

Weet jy wat.  Daar is nog iets.  God het vir jou gemaak.  Daar staan in die Bybel in Genesis 1:26 dat God ons na sy Beeld gemaak het.  Daar staan eintlik:  “Kom ons maak die mens, as ons verteenwoordiger, ons beeld…”  Sien jy dit:  na ONS beeld sê God.  Jy en ek het die beeld van ons liefdevolle Vader, die passievolle Jesus en die sagte naby-wees en in-ons-woon-wees van die Heilige Gees.  Ons is goed.  Ons is deel van God.  God is deel van ons.  Jy is mooi.  Jy is amazing.  Jy is na die beeld van God geskep.  Jy wys ook na God.  Mense sien Jesus in jou raak.  Net net omdat jy is wie jy is nie….  Maar veral, omdat God is wie Hy is.

Hemelvaart…

Jesus se woorde is partymaal moeilik vir my.  Ek het partymaal nie ‘n clue wat Hy probeer sê nie. 

Hierdie woorde van Hom byvoorbeeld in Johannes 12:24:  “Dít verseker Ek julle: As ’n koringkorrel nie in die grond val en sterwe nie, bly hy net een; maar as hy sterwe, bring hy ’n groot oes in.”

Dis sy woorde en dan is daar die dinge wat Hy doen en gedoen het.  Dis partymaal vir my net so confusing.  Wel môre is dit hemelvaartdag.  Hoekom het dit gebeur?  Hoekom het Jesus in die hemel opgevaar?  Vir die eerste keer sien ek die duidelike korrelasie tussen Jesus se hemelvaart en sy woorde oor die koringkorrel wat in die grond val en sterf.

Ek sien die saak so.  Of miskien moet ek sê, ek begin die saak so te sien.  Want, dis moeilik, confusing, en ek wil dit so graag verstaan, want ek weet dis belangrik.  Baie belangrik.

Kom ons sê Jesus het op aarde gebly.  Hy het nie gesterf nie, nie uit die dood opgestaan nie en nie opgevaar na die hemel nie.  Wel, dit sou eintlik nogal nice gewees het.  Hy sou seker êrens in Jerusalem gebly het.  Ek sou soontoe kon gaan, in ‘n lang ry staan en Hom allerhande dinge kon vra.  Wie weet miskien sou Hy selfs vir ‘n siekte kon bid.  Maar ek dink jy sien saam met my die punt.  Dis nie Jesus nie.  Hy is groter as dit.  Waar is Hy?  In Jerusalem?  Ja, maar ook hier en daar en orals waar ek en jy kom.

As Jesus nie gesterf het nie, sou Hy seker famous gewees het.  Ons sou boeke oor Hom kon lees.  Ons sou na ‘n museum kon gaan.  Wie weet; Hom selfs in persoon kon ontmoet.  Maar toe sterf die Koringkorrel.  En dit bring ‘n groot oes in.

Jesus was ‘n mens.  Op een plek.  Ons kon Hom uitfigure, Hom verstaan.  En toe sterf Hy en staan uit die dood op.  Hy vaar in die hemel op.  Hy word soveel meer as wat Hy was.  Hy is nou in alles en alles is in Hom.

Dis nou baie beter.  Dis nou baie moeiliker.  Want, weet jy hoe lyk sy liggaam nou?  Dis ons…

Die liefde vergaan nooit nie….

Ek is hier in Thabazimbi vanoggend. Die amazing Bosveld. Maar, ek is hier vir ‘n hartseer dag. Ek moet my skoonpa, my vroutjie se geliefde pa, vandag begrawe. Dis die tweede naby ene wat ek in vier maande moet begrawe. Net so ‘n rukkie terug was dit my liewe sussie…

Maar, ek wil nie hê jy moet huil nie. Ek wil jou iets amazing vertel.

Gisteraand gaan ons Spur toe. Oh my word ek was lanklaas in die Spur. Toe ons daar aankom en ek parkeer met my Pa se grand kar. My ouers het saamgery Thabazimbi toe. Is daar twee seuns seker so 10 of 11 jaar oud. Hulle wys ons waar ons moet parkeer en vra of hulle die kar kan oppas. Die enetjie het so ‘n geel t-shirt aan. Sy arms is binne in die geel t-shit ingedruk, want dis koud hier hoor. En ons gaan eet lekker Spur kos in ‘n warm Spur.

Ek dink toe aan die storie wat my swaer uit Australië uit aangestuur het oor my skoonpa. Hy sê dat eendag, toe hy nog ‘n kind was, het hulle by ‘n KFC gestop. Buite het ‘n ouerige swart man gesit. Toe hulle uitkom het sy pa vir die swart man ‘n pakkie kos gekoop. Verbaas kyk die man op, want hy het nie gebedel nie. “Hoekom het jy vir hom kos gekoop pa?” Ek haal aan uit Christo se brief uit Australië: “Die man is baie oud, lyk asof hy al baie hard gewerk het en sal nou sukkel om te werk, hy het ‘n harde lewe gehad. Hy het nie gebedel nie en het niks verwag nie. Die man het gelyk asof hy honger was”. Dit is al wat hy gesê het, maar dit het my geleer om goed te wees vir ander mense, maak nie saak wie hulle is nie.

1 Korintiërs 13 sê die liefde vergaan nooit nie…

Iemand het eendag vir my gevra of ek al ‘n lykswa met ‘n Venter sleepwaentjie aan gesien het? Mens kan niks saamvat nie, sê die ou…

Ek het agtergekom dis nie heeltemal waar nie. Daar is iets wat jy saamvat hemel toe. Daar is iets wat nooit vergaan nie. Liefde. My vrou se liefde vir haar pa sal nooit weggaan nie. Haar pa se liefde vir haar ook nie. Sy legacy van liefde sal bly staan. En hopelik sal ons aanhou om soos hy skatte in die hemel bymekaar te maak.

En weet jy wie se Legacy staan die sterkste? Jesus sin…

Die werk van U vingers…

Die laaste tyd gaan dit nogal rof.  Dit voel of die lewe die heeltyd houe uitdeel. Harde aanhoudende houe.

Ek gaan ry toe vanoggend kwart voor vyf fiets.  My training partner is nie hier nie, so ek was op my eie.  Dis donkler daardie tyd van die oggend.  Ek ry op ‘n grondpad tussen die plase met ‘n lig.  En toe stop ek.  En dit was amazing.  Die sterre was so mooi; dit het gevoel of ek hulle een vir een kan pluk.  Die melkweg was so helder dat ek gevoel het ek kan daarin gaan swem.  Net ek alleen, êrens baie vroeg in die oggend, in die donker op ‘n grondpad.  En daar daag my opgestane Here op.  Vir my.  Net vir my…

Ek kyk na die amazing helder sterre bo my en ek dink.  Ek dink aan hoe groot God is.  Hoe naby Hy is.  Hy is net so geweldig soos die maan en sterre en als, maar Hy is baie naby.  En ek dink aan Psalm 8.  Veral die woorde “Here onse Here, hoe wonderbaar is U naam oor die hele aarde.”  En ek begin sommer met God te praat oor alles.  En ek bid vir my vrou en kinders, en my skoonpa wat so swaar ly.

Kyk net hoe mooi is die woorde van Psalm 8:4–10 (AFR1983)

4As ek u hemel aanskou, die werk van u vingers, die maan en die sterre waaraan U ’n plek gegee het,

5wat is die mens dan dat U aan hom dink, die mensekind dat U na hom omsien?

6U het hom net ’n bietjie minder as ’n hemelse wese gemaak en hom met aansien en eer gekroon,

7U laat hom heers oor die werk van u hande, U het alles aan hom onderwerp:

8skape en beeste, alles; selfs die diere in die veld,

9die voëls in die lug, en die visse in die see wat die oseane deurkruis.

10Here, ons Here, hoe wonderbaar is u Naam oor die hele aarde!

Genade…

Ek het so ‘n ruk terug ‘n boek van Phillip Yancey gelees; “What’s so amazing about Grace?”  Dis ‘n goeie boek hoor .   Dit het regtig vir my iets beteken.  In die boek vertel hy van ‘n vriend wat vir hom ‘n poskaart stuur met die woorde op:  “I am the one Jesus loves.”

Hy sê die vriend het ‘n konferensie bygewoon waar die aanbieder gepraat het oor Johannes die dissipel van Jesus.  En hoe daar van Johannes in die Bybel gepraat word as: “The one Jesus loved.” (Johnannes 20:1–2 (AFR1983) 1Die Sondagmôre vroeg, toe dit nog donker was, kom Maria Magdalena by die graf en sien dat die klip van die graf af weggerol is.  2Sy hardloop toe en gaan na Simon Petrus en na die ander dissipel toe vir wie Jesus baie lief was, en sê vir hulle: “Hulle het die Here uit die graf weggevat, en ons weet nie waar hulle Hom nou begrawe het nie.”)
Hy gaan toe verder en sê dat elkeen van ons nou eintlik daardie dissipel is.  Wie ek?  Kan mosie wees nie.  Dit was net Johannes, ek meen, hy was special.

Wel jy sien die punt van Phillip Yancey se boek is dat dit alles oor genade gaan.  God is ‘n God van genade.  Ons kan net genade leef en gee as ons dit kan vat.

Wel jy sien die punt van God se boek is ook lyk my genade.  Dink aan die gelykenis van die Verlore Seun.  Waaroor gaan dit?  ‘n Seun wat wegloop en terugkom?  Nee!  Dit gaan oor ‘n Vader, ‘n genadige liefdevolle Vader, wat nie eers die outjie kans gee om te verduidelik nie.  Hy sien hom vêr aankom.  Omhels hom, soen hom, trek vir hom klere aan en hou ‘n groot feesmaal vir hom.  Hierdie gelykenis vertel die verhaal van ‘n Vader wat sê:  “Jy is die dissipel die een, vir wie ek baie lief is.  My kind, ek is so bly oor jou, ek wag vir jou, ek gaan jou nie veroordeel, laat sleg voel, eenkant skuif nie.  Ek sê weer; Ek is lief vir jou.  Ek is jou liefdevolle Vader…”

We enter into solitude first of all to meet our Lord and to be with him and him alone. Only in the context of grace can we face our sin; only in the place of healing do we dare to show our wounds; only with a singleminded attention to Christ can we give up our clinging fears and face our own true nature.  Henri Nouwen

Paasnaweek…

Kersfees is great.  Dan gaan ons kerk toe, eet ons knuppeldik, kry geskenke, dink aan Jesus se geboorte, swem in die see.  Man dis Somer, Son en See.  Braaivleis, Rugby, Sonneskyn en Chevrolet.  (kyk hoe verklap ek nou my ouderdom…)  Selfs mister Bean vier kersfees.

Maar die eintlike magic.  Die groot tyd in die jaar; is nou.  Paasfees is eintlik die punt.  Sonder Paasfees sou Kersfees geen betekenis hê nie.  As Jesus net gebore was en nooit gesterf, begrawe is en opgestaan het nie.  Was daar niks.

Miskien is Paasfees te heavy vir die mens.  So heavy soos Notre Dame wat afgebrand het.  Dis mos baie lekkerder om oor geboorte te juig.  Niemand wil mos oor brand en dood en sulke dinge praat nie.

As kind het ons gewoonlik paasnaweek iewers heengegaan.  Vakansie gaan hou.  Ons het nooit regtig kerk toe gegaan nie.  Maar nie Kersfees nie.  Kersfees was ons in die kerk, of ons nou by die see was of waar ookal.

More is dit Stil Donderdag.  Jesus eet die laaste Avondmaal saam met sy dissipels.  Hy word gevange geneem.  Vrydag word Hy gekruisig.  Hy sterf Vrydag.  Omdat Hy wil…  Dan kom dit!  Die eintlike dag.  Die groot dag.  DIE GROOTSTE DAG.  Sondag.  Jesus het opgestaan.  Hy Lewe!  Ons kan lewe!

As daar ooit ‘n tyd in die jaar is dat ek wil kerk toe.  Dan is dit hierdie naweek.

“Dankie Jesus. Dankie dat U aan die kruis gehang het.  Vir my.  Ja, stukkende, sondige, useless ou my.  Dankie Jesus.  As U aan die misdadiger wat langs U gehang het genade kon gee.  As U die spul wat U daar gehang het kon vergewe.  Dan kan U my ook mos:  liefhê, vergewe, na luister en al die mooi dinge wat U vir my so gereeld doen, en reeds gedoen het. Amen”

Johannes 10:17–18 (AFR1983) 17“Die Vader het My lief omdat Ek my lewe aflê om dit weer op te neem. 18Niemand neem dit van My af nie, maar Ek lê dit uit my eie af. Ek het die volmag om dit af te lê, en Ek het die volmag om dit weer op te neem. Dit is die opdrag wat Ek van my Vader ontvang het.”

Jy is God se geliefde…

Ek moet by die Hoërskool gaan open op ‘n Maandag oggend.  Ek het net 10 minute.  En ek voel nog soos ‘n middeljarige bles oom ook nog.  Ek kan onthou toe ek in die Hoërskool was, niemand is regtig lus vir die Dominee nie.  Veral nie op ‘n Maandag oggend nie…

Maar tog!  Dis so ‘n amazing geleentheid.  Meer as ‘n 1000 kinders.  Wat sê mens?  Wel ek voel ek wil vir hulle sê hoe lief God ons het.  Want sien, dis die een ding wat my die laaste tyd so gedring het.  En gedra het.

Ek wil hulle vertel van my fiets ongeluk.  (Kyk gerus die vorige Blog)  Van hoe God my beskerm het.  Hoe lief God my het.  Maar waar kom ek daaraan?  Ek bedoel nou, dat God my liefhet?

Jesus word gedoop en daar is ‘n stem wat uit die hemel kom.  Die stem sê: “Jy is my geliefde Seun. Oor Jou verheug Ek My.”  (Markus 1:11)  Dink bietjie daaraan, hoe amazing moet dit nie wees nie.  God jou Vader sê dit.  Voor al die mense.  Wat?  Sal ek wil vra.  Ek?  Vader ken U my?  Ek stel teleur, is materialisties, nie altyd eerlik nie, ‘n verloënaar.  Vader ek dink U het miskien die verkeerde ou beet hier. 

Maar dis Jesus onthou.  Hy is sonder sonde; die perfekte seun.  En ek dink by myself:  “maar dis mos nie ek wat daar kniediep in die Jordaan rivier staan nie.  Dis Jesus.”  Maar dis net daar waar Jesus die hele ding op sy kop kom draai.  Hy sê; ek en jy; is ook ons Vader se Seun of Dogter.  Ons staan ook kniediep daar in die Jordaan.  Dieselfde stem praat met my ook.

“Soos die Vader My liefhet, het Ek julle ook lief. Julle moet in my liefde bly.  (Johannes 15:9)

God sê:  “Jy is my geliefde Seun.  Jy is my geliefde dogter.  Oor jou verheug ek my.  My seun, my dogter.  Jy het my nie gekies nie.  Jy het nie my liefde vir jou gekies nie.  Ek het!  Ek is geweldig lief vir jou.  Jy is my Seun, jy is my dogter, net soos Jesus.”

EN EK WIL IN HIERDIE LIEFDE BLY…