Gee môre weg…

Ok, so ek lees die volgende raak wat my geliefde Henri Nouwen geskryf het: “I have found it very important in my own life to try to let go of my wishes and instead to live in hope.”

Wat op aarde probeer hy sê. Letting go of “my wishes.” Wat is “my wishes?“ Dis mos nou dinge wat ek wil hê. En dis nie altyd sleg nie. Daar is goeie goed ook wat ek wil hê. Maar jy sien dis die hele punt. Dis wat ek wil hê.

Spreuke 3:8 sê: “Vertrou volkome op die Here en moenie op jou eie insigte staatmaak nie.”

So kom ek gee ‘n voorbeeld. Ons is besig met Basaar voorbereidings. Ons verwerk 5 beeste en 5 varke vir Saterdag se Basaar. Om nie eens te praat van al die ander stalletjies en dinge nie. Dis baie lekker vir my. Ons is ‘n amazing span. En toe – toe word daar reën voorspel vir Saterdag.

My natuurlike reaksie is mos nou om teen die reën te bid. Maar toe dink ek. Die arme Here. As dit reën; is ons teleurgesteld in Hom. As dit nie reën nie is die boere teleurgesteld in Hom. So of dit reën of nie my liefdevolle Vader vir wie ek baie lief is, gaan in die moeilikheid wees.

Weer terug by Henri Nouwen se aanhaling: “I have found it very important in my own life to try to let go of my wishes and instead to live in hope.” En ek besef. My Here is mos baie lief vir ons. Hy wil ok mos hê ons moet ‘n goeie Basaar hê. En toe verander my gebed. My gebed is nou: “Vader, dankie dat U vir ons ‘n lekker Basaar wil gee.”

En ek besef dis ‘n beheer ding.

Vader ek wil nie op my eie insigte staatmaak nie. U is mos goed. U is lief vir my. Vir ons almal. U wil mos vir ons die goeie lewe gee. U wil mos hê ons lewe moet ‘n feesmaal wees. Ek wil volkome op U vertrou en nie op my eie insigte staatmaak nie.

Toe hande of oop hande…

Die ander aand kyk ek ‘n fliek. Dit was ‘n goeie fliek, regtig. “Miracles from heaven.” In die fliek sê die vrou: “You can either live your life as if nothing is a miracle. Or you can live your life as if everything is a miracle.” Einstein het dit blykbaar gesê.

Maar ek het toe verder gedink. Ek’t gedink oor dankbaarheid. Jy kan of jou lewe leef asof jy niks het om voor dankbaar te wees nie. Almal is lelik met jou en alles loop verkeerd en almal is uit om jou te pynig. Of jy kan jou lewe leef asof jy vir alles kan dankbaar wees.

Jesus het die nag voordat Hy gekruisig is, sy Vader gedank. Hy het die brood gebreek. Die brood wat ‘n simbool is van sy liggaam wat gebreek is. En Hy dank sy Vader vir die brood. Die wreedheid van die kruis, word die grootste simbool van dankbaarheid!

In 2 Kronieke 20 is daar hierdie verhaal van Koning Josafat. Hy is in die moeilikheid. Skynbaar niks om voor dankbaar te wees nie. Die vyand is voor sy deur. Gereed om hom te vernietig. Hy en al sy mense moet hulle vuiste bal en fight. Reg? Ja, natuurlik! Maar wat gebeur?

God kom na hulle toe en sê: “Luister, mense van Juda, inwoners van Jerusalem en koning Josafat! So sê die Here vir julle: Moenie vrees nie, moenie bang wees vir hierdie groot menigte nie, want hierdie oorlog is nie ’n saak vir julle nie, maar vir God. (2 Kronieke 20:15)

En hulle vuiste maak oop. Met oop hande staan hulle en ontvang God se geskenk. As jy die verhaal gaan lees, dan sê God hulle hoef nie te veg nie. Hulle moet net staan en kyk hoe God gaan veg. Hulle moet net ontvang.

Mag ek ook so wees. Here help my om nie te wil fight nie. Help my om met oop hande te staan en te ontvang. U wil vir my veg. U het vir my geveg. Dit maak dat ek U in alles sien. Dit maak my dankbaar. En nou Vader, nou is ek bly!

ek is ook ma lekker dom…

Ouboet in Orkney Snorknie het altyd gesê: “ok ma lekker stupid…” wel dis is ek daai soms, as dit by my lewe en gebed kom. Kyk wat staan in die eerste twee verse van Psalm 139:

1Here, U kyk of ek eerlik is en vertrou kan word.

U weet wat gaan hier binne-in my aan.

2Ek kan niks wat ek doen, vir U wegsteek nie.

Nog voordat ek iets doen, weet U wat dit gaan wees.

Onlangs wil ek ‘n nuwe fiets koop. Die wat my ken weet ek is nogal erg as dit by fietsry kom. Ek love dit. Ma die goed is duur. Nou is my kop vol van dit. Ek is heeltyd op die Internet besig om te kyk. Ek probeer heeltyd planne maak. Maar met my liefdevolle Vader praat ek nie oor dit nie. Dit het mos niks met Hom en met gebed te doen nie. Ok ma lekker stupid nè? So asof God nie weet wat gaan in my hart en kop aan nie. Totdat ek weer Psalm 139 gelees het. Kyk wat staan in vers 3:

3Of ek by die huis bly en of ek rondloop, daar is niks wat ek vir U kan wegsteek nie.

U weet alles wat ek doen.

en toe… toe begin ek met God oor dit te praat. Sommer lekker te praat. En wat beleef ek? Ek beleef God sê vir my: “my kind ek is lief vir jou. Ek is bly jy geniet fietsry so baie. Ek verstaan my geliefde kind. Ek wil graag luister en terugpraat oor dit.”

en toe… toe begin fietsry sommer weer ook ‘n ander dinamika kry. Die afgelope week al kry ek so ‘n plekkie langs die pad waar ek stop in die middel van my ride. In die veld. En ek hou sommer net daar stiltetyd. En dis heerlik. En ek praat met God oor alles in my lewe. Want ek weet Hy weet dit klaar. Hy is in alles. Ek kom agter daar is ander goed wat ek ook nie met Hom oor praat nie. Moeilike goed, soos iemand se dood. En stadig, stadig maar seker, is my liefdevolle Vader besig om my vrede te gee. Kyk wat staan in vers 10-12:

10Oral hou U my vas. En U lei my op u pad.

11Al vou die donkerte my heeltemal toe, is U naby my.

12Lig en donkerte is vir U dieselfde. Niemand kan vir U iets in die donker wegsteek nie.

“Vader U is so amazing. Ek is so lief vir U. Ek kan met U oor alles praat. U judge my nie. Nee ek beleef net liefde. En U lei my Vader. Kyk tog of ek nie op die verkeerde pad is nie en lei my op die beproefde pad. Sien tog my onrus raak. Dankie my liefdevolle Vader dat U my gemaak het. Ek behoort aan U. U ken my. beter as wat ek myself ken. Hoe kan ek dinge van U wegsteek. Dis so dom. Vir my om met U te mag praat, vir my om met U te kan praat, is soos die kosbaarste ding in my lewe. Dankie, dankie Vader. Amen”

Alles gaan verby…

Net voordat my suster aan borskanker gesterf het, het sy vir my gesê: “op hierdie aarde gaan alles verby… maar, in die hemel gaan niks verby nie…”

Ek het ‘n plaashek gesien wat lendelam hang. Dit het my daaraan laat dink. Niks hou op aarde nie, mot en roes sal dit verniel. En dis ook goed so. Pyn en swaarkry, gaan verby.

Nadat Adam en Eva in die tuin van die boom van “kennis van goed en kwaad” geeet het, het God hulle uit die tuin laat uitgaan. Nadat Hy dit gedoen het, het hy ‘n Engel by die ingang van die tuin geplaas. Om te keer dat die mense nie weer terug ingaan nie. (Genesis 3:24). God was so ernstig daaroor dat Hy ook ‘n vlammende swaard by die ingang geplaas wat heen en weer beweeg.

Hoekom? Hoekom was dit vir God so belangrik dat hulle nie teruggaan nie? Want, as hulle teruggaan. Dan, leef hulle in alle ewigheid saam met goed en kwaad. En dit wil God nie hê nie. Hy is te lief vir ons. Hy wil hê ons moet in alle ewigheid, net; met goed leef.

Dis die hemel. Dis die ewigheid waar niks verby gaan nie. Daar is nie kennis van geod en kwaad nie. Daar is net kennis van goed. Niks gaan daar verby nie. Niks is gebroke nie. Alles wat oud is sal nuut word. Daar is geen wonde nie. Die enigste wonde is aan die hande van Hom wat ons in sy hande hou.

4Hy sal al die trane van hulle oë afdroog. Die dood sal daar nie meer wees nie. Ook leed, smart en pyn sal daar nie meer wees nie. Die dinge van vroeër het verbygegaan.”

5Toe sê Hy wat op die troon sit: “Kyk, Ek maak alles nuut.”

 Die Bybel Nuwe Vertaling. (1998). (electronic ed., Re 21:4–5). Cape Town, South Africa: Bybelgenootskap van Suid-Afrika.

Lelies van die veld…

Ok so, ek ry toe met my fiets soos ek maar elke Maandag oggend doen. Dis mos my af oggend. En daar langs die pad op ‘n meklplaas sien ek die lelies wat sommer daar wild in die veld groei. Ek ken hulle as Varkore. En daar praat die Heer met my deur die Varkore. E k hoor hulle duidelik praat, so al asof hulle klein mondjies het.

Hulle sê: “Kyk net hoe welig groei ons. Kyk net hoe mooi is ons. Niemand het ons hier kom plant nie. Ons groei sommer so wild hier. Hier is genoeg water vir ons, genoeg kos in die grond. Ons het ‘n Vader wat vir ons sorg. Ons het ‘n Vader wat ons baie mooi maak.”

Jesus het seker saam met sy dissipels, sy beste vreinde geloop en toe sien Hy dieselfde ding wat ek gesien het. is dit nie amazing nie? Ek Hy sê vir hulle: “Moet nie so baie worry nie julle. My Vader sal sorg. Kyk hoe sorg Hy vir die lelies.” Net so praat Jesus toe Maandag oggend met my.

En Hy sê: “moet nie so baie worry nie. Ek sal sorg. Ek is in beheer. Kyk net hoe mooi sorg ek vir die natuur. Selfs al woed die Corona virus in die wêreld was die veld lanklaas so mooi. Die veld, die lelies, die gras, die blomme is so mooi. Nie een van die celebrities van hierdie wêreld, nie eers die in Hollywood. Nie eers die mooiste model, is so mooi aangetrek nie. Ek is nog steeds in beheer. Ek sal altyd sorg. Wees rustig. Ek is jou Vader, ek sal vir jou sorg.”

28En wat bekommer julle julle oor klere? Let op hoe groei die veldlelies: hulle swoeg nie en hulle maak nie klere nie. 29Maar Ek sê vir julle: Selfs Salomo in al sy prag was nie geklee soos een van hulle nie. 30As God dan die gras van die veld, wat vandag nog daar is en môre verbrand word, so versier, hoeveel te meer sal Hy dan nie vir julle sorg nie, julle kleingelowiges?

 Die Bybel Nuwe Vertaling. (1998). (electronic ed., Mt 6:28–30). Cape Town, South Africa: Bybelgenootskap van Suid-Afrika.

o jinne…

O jinne, ek lees weer hierdie week iets in die Bybel, wat my voor die kop tref. “…moenie die Heilige Gees van God bedroef nie…” (Efesiërs4:30). Wat?! Ek!? Is God drie enig so oor my gepla dat ek hom kan bedroef? En hoe sal ek Hom bedroef? As jy die hele gedeelte in Efesiërs 4 gaan lees dan sien jy dit gaan oor my lewe. God is gepla oor my lewe. Hy wil hê ek moet ‘n goeie mooi lewe hê. Ek is mos sy kind.

Dit is vir my amazing. God drie-enig se omgee. Sy mooi wense en ideale vir my. Jesus mag U my weg, my pad, my waarheid wees.

Maar, ja maar, dis hoekom ek eintlik hartseer is. Want, ek kom agter my waarheid, my lewe is vir my te belangrik. Ek kom agter dit is vir ons almal. Hierdie Vaccine ding druk ons in kampe in. Ek het ge-vaccinate, kyk net vir my. Of, ek gaan nie vaacinate nie en ek gee nie om wat jy sê nie. En ek laaik jou nie. En, die duiwel dans dat die stof so staan, soos my ouma altyd gesê het. Maar meer belangrik, ek maak die Heilige Gees hartseer.

Ek het agtergekom dat ek net na dit luister, wat ek klaar weet en klaar glo. En ek kom agter almal is so. En wat is die waarheid? Daar is so baie info daar buite. En so… so verloor ek die plot. “Ag nee, daai ou is dom, om nie te vaccinate nie…” “Dis idiots soos hulle wat gaan maak dat ons moeilikheid kry…”

En toe, toe lees ek, ek moet nie die Heilige Gees van God bedroef nie. Ek moet soos Jesus lewe. Waar daar liefde is en deernis, daar is God die Heer.” sing ons in die kerk. Ek weet nie of ons liefde en deernis met mekaar het nie.

Here help my om soos U te wees. Om te luister na my broers en susters. Om almal Jesus met liefde en deernis en respek te behandel. Help my dat my waarheid nooit ooit belangriker raak as U waarheid nie…

-2 Watch what God does, and then you do it, like children who learn proper behavior from their parents. Mostly what God does is love you. Keep company with him and learn a life of love. Observe how Christ loved us. His love was not cautious but extravagant. He didn’t love in order to get something from us but to give everything of himself to us. Love like that. (Efesiërs 5:1-2 The Message)

Kalahari trip – Grootdrink na Mosplaas en daarna…

Dis nou al ‘n paar dae nadat die toer geëindig het. Op die plaas in die Kalahari was daar nie opvangs nie. So hier kom die laaste blog nou.

Die grondpad was ‘n killer!!!😳. Sand, klippe en wilde sinkplaat. My Gravel bike het swaar geloop. Op ‘n stadium het ek kop onderstebo gaan staan en vir Louwrens my backup gesê; “ek dink nie ek gaan hierdie ding gedoen kry nie…” Maar hy het moed ingepraat en ek het verder gegaan.

Dawie my draf partner het net so swaar geleef. Hy sê dit was ‘n baie rowwe dag. Maar, ons is daardeur.

En as ek nou terugkyk op alles. Wat sal ek sê? Ek is weer terug by Jakobus 1:2. “Beskou dit as ‘n groot vreugde broers, wanneer allerlei beproewings julle oorval, omdat julle weet dat as julle geloof getoets word, dit volharding bewerkstellig. Maar julle volharding moet tot volledige ontwikkeling kom, sodat julle volmaak en sonder gebrek kan wees en in niks tekort skiet nie.”

Kyk dit was tough. Maar, ons het R150 000 ingesamel vir ons kerk se Basaar. Covid het ons seergemaak, ons moes planne maak. Maar wie het gedink die Here sal ons so ‘n les leer.

Beskou dit as ‘n groot vreugde wanneer allerlei beproewings julle oorval… sê die Bybel. Wat! Hoe kan ek bly wees oor so ‘n jaar wat verby is, hoe kan ek bly wees oor so ‘n rowwe trip op die fiets, hoe kan ek bly wees oor geld wat skraps is? En my, ons geloof, is getoets hoor. Joune ook? Waar is U Here? Het ons almal al die afgelope tyd gevra. Maar al hierdie dinge, al hierdie swaarkry, al hierdie twyfel het ons geleer om vas te byt. Want, waar was God? Heeltyd daar by ons. Heeltyd voor ons, langs ons, onder ons, rondom ons, agter ons.

Dit maak my bly. Dit maak my verstaan wat Jakobus bedoel met: “sodat julle volmaak en sonder gebrek kan wees..” Die Here is my Herder, ek kom niks kort nie, sê die Bybel op ‘n ander plek.

So, as dinge tough raak, dan draai jou oog onwillekeurig na God. Dan sien jy die onsigbare dinge raak. As dit goed gaan is mens baie geneig om op die sigbare dinge te fokus. As dinge tough raak, leer dit jou om te volhard, om deur te druk en planne te maak. En God is in al hierdie dinge. Dit maak dat ek kan glo. Dat ek kan glo dat God bestaan en dat Hy die wat Hom nader sal beloon.

Here my God alle eer aan U. Alle eer vir wat ons deur is met hierdie draf en fietstoer. My en Dawie en almal wat betrokke is se geloof is sterker. Ons is nader aan U. Ons ken U bietjie beter. Ons kom niks kort nie, want U, U is ons Vader!

Kalahari trip. Dag 5. Prieska na Grootdrink. 180 km op fiets en 46 km op voet

Vandag hoor ek daai liedjie van Anneli van Rooyen wat Karin Zoid saam ha sing. “Ek lewe…”. En voor ek my kan kry sing ek kliphard op die fiets: “Ek lewe,gemaak om na liefde te strewe, op vlerke van vriendskap te swewe. Sonder vrae oor wat more mag bring, ooh ho…😂”

En ek dink. Ek dink oor die lang pad wat ek vandag aandurf. Wat begin het deur ‘n pas en geeindig het tussen die duine op Grootdrink. Dis soos die lewe. Ons lewenspad hier op aarde het ‘n begin en ‘n einde. God se pad vir ons het nie ‘n einde nie. Dit loop vir ewig.

Dink bietjie daaraan. Jesus het gesê ons moet nie skatte op aarde bymekaar maak nie. Dit hou nie. Motte vreet dit op en dit roes; het Jesus gesê. Nee maak skatte in die hemel bymekaar. Dit kan nie roes nie, niks vreet dit op nie, dit hou vir ewig.

En wat is hierdie skatte in die hemel? Jy moet maar self jou mind opmaak oor dit. Die lank en die kort daarvan is, dit is belangrik. Dis die skatte wat ons bymekaar moet maak, het Jesus gesê.

So by the way Jesus het ook gesê: “Ek is opstanding en die lewe, wie in my glo sal lewe; al sterwe hy ook.”

Kalahari trip dag 4: Britstown na Prieska 133 km fiets en 35 km draf

Dis darem interesant hoe dit werk. As dit die dag sleg gaan vra mens allerhande vrae. Hoekom ek? Wat het ek gesondig? Kyk hoe goed gaan dit met haar… En as dit die dag goed gaan? Dan vra ek nooit vrae soos: Hoekoem ek? Wat het ek gedoen om dit te verdien? Hoekom gaan dit dan sleg met hom?

Miskien moet ons vrae soos daai begin vra. Vandag het ons van Britstown na Prieska gery. Dit was ‘n great dag. Dawie sê hy het lekker gedraf, ek het heerlik fietsgery. Selfs RSG (nationale Suid Afrkaanse radiostasie) het oor ons gepraat. En toe dink ek. Oor goeie en slegte dae. Vandag het ek gevoel soos ‘n eregas. God se goedheid en liefde het my omring. Ek het by die feesmaal van die lewe aangesit. En hoekom is dit? Want, ek is God se geliefde. Dawie is God se geliefde. Hy gee vir sy kinders goeie dinge. Want Hy is lief vir ons.

En as die slegte dae kom? Dan is ons ook sy geliefdes. Ons moet daaraan vashou. As ons in die donker kloof sit. Is ek en jy nog steeds God se geliefde seun, sy geliefde dogter. Hy sal ons in sy hande hou. Hy sal ons daardeur vat.

Al die elende het Job getref. Hy is van alles gestroop. En wat sê hy? “Die Here het gegee, die Here het geneem. Prys die naam van die Here.” (Job 1:21)

Kalahari dag 3. Drie Susters na Britstown (170 km)

Na twee toughe dae was vandag ‘n beter dag. Ek het sommer goed gevoel. Lekker gery. Dawie sê hy het ook lekker gedraf.

Die hele dag lank draai hierdie lied in my kop: “ken Hom in al jou weë, ken Hom in al jou weë. Dan sal Hy jou paaie gelyk, gelyk maak. Ken Hom in al jou weë…”

My suster wat onlangs aan kanker gesterf het. Het vir my gesê eendag: “Weet jy boetie, op hierdie aarde gaan alles verby…”. Dit is regtig waar. Alles gaan verby. Swaar dae gaan verby en beter dae kom. Dit is seker wat hoop is. Hoop sê; more gaan beter wees as vandag. Alles sal verby gaan. Siekte gaan verby, moeilike dae gaan verby. Daar kom altyd beter dae. Ken Hom in al jou weë. Dan sal Hy jou paaie gelyk maak…

Dit kom van Spreuke 3:6 af: “Ken Hom in alles wat jy doen. En Hy sal jou op die regte paaie laat loop.”

As daar ‘n donker kloof voor jou lê wat jy moet deur. Hou moed, jy is veilig in God se hande. More of oormore gaan dit weer beter. Ons Herder vat ons altyd weer na waters van rus en groen weivelde waar daar vrede is.