Ok; ek erken dit, ek is bang vir Chappies… Dit was die naweek weer die Argus fietsresies of soos dit deesdae bekend staan die Cape Town Cycle Tour. Soos wat die resies aangegaan het en hoe nader ons aan Chappies (Chapmans peake drive is ‘n lang opdraande naby aan die einde van die Argus fietresies) gekom het, hoe angstiger het ek geraak. En sien ons resies is hard, daars nie tyd vir opkyk of met iemand praat of wat ookal nie. Toe praat ek maar met Jesus…
“Here” sê ek. “Ek weet hierdie is nou nie eintlik ‘n belangrike ding nie. Dis net ‘n fietsresies after all. Maar kan ek maar met U praat oor Chappies. U sien Jesus ek wetie of ek dit hierdie jaar saam my groep daar gaan oor maak nie. Ek is ma half bang vir dit…”
En so praat ek toe met Jesus die hele pad oor. En weet jy wat. Ek beleef Hom as naby, luisterend en liefdevol. Hy het dit nou nie hard gesê nie. Maar in my hart, het Jesus gesê: “praat maar Henri, ek is lief vir jou. Wat vir jou belangrik is, is vir my ook belangrik, Ek luister graag.”
Dis toe eers lank na die resies dat ek weer daaraan dink en toe onthoou ek wat in Eksodus 33:11 staan “Die Here het direk met Moses gepraat soos ‘n man met sy vriend.”
Henri Meyer se Blog 
Dit is so waar Henri! Jesus hoef partykeer nie eens te praat nie jy weet en voel Sy teenwoordigheid! Jare gelede het ek ook die Argus gery maar sjoe ek het van die begin tot die einde gebid! Jesus was al die pad saam met my!
Jesusliefde
Hannie Dry
LikeLike