Author: Henri Meyer (vdm)

Die afgelope naweek was ek en my vroutjie Nieu-Bethesda toe om twee pragtige jongmense te gaan trou. Net vir reference sake; Nieu-Bethesda is 450 km van Mosslbaai af. Dis nogal ‘n trek, maar wat ‘n amazing klein dorpie. Vol van die Here se geskiedenis…

Die oggend na die troue – want ons moes oorslaap – maak ons reg, om terug te ry. Daar is so ‘n 25 km grondpad en dan die pad Graaff-Reinet toe. Ek stap ewe vrolik met vroutjie se rooi tassie in die een hand en haar vanity case in die ander hand. Toe hoor ek iemand vrolik roep: “More! Jy het seker gesien jou wiel is pap.” My moed sak in my skoene, want ek weet die kar het net so ‘n Marie-biscuit spaarwiel. En die ding gan nie lekker op die grondpad werk nie. Maar ek ruil maar om. Voor ons ry, vat ek en my Carina hande en ons bid. Ons bid dat ons Vader met ons sal wees en ons sal beskerm.

Ek ry daar weg en stop by die kleinste kafee. Jy weet daai soort waar die verkoopsman agter die toonbank staan en dan wys jy vir hom wat jy soek en hy haal dit af. “Do you have something that I can fix my wheel with?” vra ek hom. Sonder om ‘n woord te sê druk hy sy hand onder die toonbank in en kom te voorskyn met ‘n wheel repair kit. Nou kort ek net ‘n pomp. Wat ek toe eers in Graaff-Reinet kry. Daar fix ek die wiel voor Carina nog uit die badkamer kom.

En toe ry ons verder. Dis ‘n oop pad en ek voel bietjie waaghalsig en sit die kar se cruise control op 130 km/h. Die band is mos nou reg en tot hier kon ek hie vinniger as 80 ry nie, want dit staan op die marie biscuit spaawiel so. Ek kyk iets op die radio…. en toe!

“Henri!” roep Carina. Toe ek opkyk; het die persoon wat in die aankomende baan ry aan die slaap geraak. Hy is op my. Soos in op my! Ek draai links. Ek mis hom. Ek weet nie hoe nie. Dit maak nie sin nie. Ons moes mekaar getref het.

En ek en Carina is stomgeslaan. Ons emosie is: Dankie Here! Ons kry nie ‘n woord uit nie.

En toe dink ek aan die woorde waarmee die duiwel Jesus versoek het in die woestyn:

¹¹Hy sal sy engele opdrag gee 

om jou te beskerm waar jy ook al gaan. 

¹²Op hulle hande sal hulle jou dra, 

sodat jy nie jou voet 

teen ’n klip sal stamp nie. 

 Die Bybel Nuwe Vertaling. (1998). (electronic ed., Ps 91:11–12). Cape Town, South Africa: Bybelgenootskap van Suid-Afrika.

Ek gaan besoek laasweek een van ons lidmate. Hy is nuut in die dorp en die gemeente. Hy en sy vroutjie het afgetrek hier na Mosselbaai toe, nadat hy vir baie jare geboer het. Hulle het skaars hier aangekom, of hy word met pankreas kanker gediagnoseer. Ja, jy het reg gehoor. En dis terrible. En baie sleg. En hartseer. En dit breek my hart. En God se hart.

En wat sê hy? Hy vertel hoe dankbaar hy is. Hy is dankbaar sê hy, as die pyn hom vroeg in die oggend uit die bed dryf. Dan slaap almal nog sê hy. Dan kom sit hy op sy spesiale plekkie. Vanwaar hy oor die see kan uitkyk en die son sien opkom. “Daar praat ek elke oggend met God…” vertel hy. En hoe bly dit hom maak. En hy hou aan. Hoe bly hy is, oor sy vrou, en sy hondjies, en die natuur, en sy verhouding met sy Here. En hy hou aan en aan en aan.

En ek wonder? Hoe kry hy dit reg? Wat is sy resep?

“Toe ek nog op die plaas was…” vertel hy “het ek elke oggend met my bakkie in die veld ingery en met God tyd spandeer…”

Dis toe die pennie vir my drop. Dis ‘n lewe van geloofsgewoontes wat nou vrug dra. Jy kan nie anders as om dankbaar en bly te wees as jy God se kind is nie. As jy bid oor goed kyk jy anders na daai selfde goed. Jy kry God se perspektief op dit. En sy perspektief is goedheid en liefde. Dit is God se legacy. Dit kan my legacy ook wees. Dit ìs my vriend met die aaklige siekte se legacy ook.

Kyk wat sê die woord:

“Wees altyd bly in die Here! Ek herhaal: Wees bly! Wees inskiklik teenoor alle mense. Die Here is naby. Moet oor niks besorg wees nie, maar maak in alles julle begeertes deur gebed en smeking en met danksegging aan God bekend. En die vrede van God wat alle verstand te bowe gaan, sal oor julle harte en gedagtes die wag hou in Christus Jesus.”
‭‭FILIPPENSE‬ ‭4‬:‭4‬-‭7‬ ‭AFR83‬‬
https://bible.com/bible/6/php.4.4-7.AFR83

G

Hoeveel van die Pearly Gates grappies het ek nie al gehoor nie? As jy by die Pearly Gates kom dan moet jy nou vir Petrus vra om in te gaan en dan kyk hy eers in sy boek of jy darem goed genoeg was. Of daar is ‘n cartoon in die koerant, van een of ander politikus, wat by die Pearly Gates staan en dan moet Petrus in sy boek kyk of die ou mag ingaan of nie. En die ding van grappies is daar steek altyd iets daarin, dis hoekom dit snaaks is.

Ek lees toe in Openbaring 20:12 van die boek van die lewe: “¹²Ek het die dooies, groot en klein, voor die troon sien staan, en die boeke is oopgemaak. Daar is ook ’n ander boek oopgemaak, dit is die boek van die lewe. Die dooies is toe geoordeel volgens wat daar in die boeke geskrywe staan oor alles wat hulle gedoen het.”

Jy weet partymaal moet mens net die Bybel lees, die antwoord is reg voor jou. Kyk mooi wat staan in die een vers. Daar is “boeke”. Ja, boeke soos in meervoud. Die boek van die lewe en die ander boek, en nog ‘n boek, noem dit maar die boek van die dood. Die mense wat nie glo nie se sondes is gelys in die tweede boek. Die wat glo se naam in die boek van die lewe. Net dit. Net jou naam. Nie alles wat jy verkeerd gedoen het; of reg gedoen het en nou gaan Petrus in sy boek kyk, of jy dit darem gemaak het nie.

Oom Angus sê altyd: “Good people don’t go to heaven, believers do…” My naam staan in die boek van die lewe geskryf. Jesus het daarvoor gesorg. Nie ek nie. Ek hoort nie eers naby die Pearly Gates nie. Jesus het al my sondes weggevat, dis vergete, dit staan in geen boek nie. En ook nie alles wat ek goed gedoen. het nie.

⁶Jesus het vir hom gesê: “Ek is die weg en die waarheid en die lewe. Niemand kom na die Vader toe behalwe deur My nie.

 Die Bybel Nuwe Vertaling. (1998). (electronic ed., Jn 14:6). Cape Town, South Africa: Bybelgenootskap van Suid-Afrika.

Gister is ek weer in my happy place. Ek sit in die kerk. My vriend Ben is aan die woord. Hy praat oor vergifnis. En daar uit sy mond, daag God op. God wys vir my dat Hy amazing is en dat Hy vergeet.

Kom ek vertel jou…

Ben praat oor vergifnis. Hy praat oor Dawid. Dawid die grootste droogmaker. Dawid wat doen wat verkeerd is in die oë van die Here. Jy ken mos die verhaal. Dawid sien vir Batseba raak. Hy laat haar haal. Slaap by haar. Maak haar swanger. Maak haar man dood! Dink bietjie daaraan. Sê nou iemand wat ek ken; doen dit. Of erger nog, iemand na wie ek opkyk as geestelike leier doen dit. Dink bietjie hoe disgusted sal jy wees?! “Het jy gehoor van Piet, hy het Gert se vrou gevat, haar swanger gemaak en toe gereël dat Gert doodgemaak word.” Wat 😳‼️

En nou die versie. Die versie wat my laat regop sit het. Die versie wat my God-Moment was.

Maar jy was nie soos my dienaar Dawid wat hom aan my opdragte gehou het en wat sy hele lewe aan My toegewy het deur net te doen wat reg is in my oë nie.  Die Bybel Nuwe Vertaling. (1998). (electronic ed., 1 Ki 14:8).

Hoe kan God sê Dawid het net gedoen wat reg is in God se oë🤷🏻‍♂️. Dawid was ‘n aaklige ou man. Kyk net wat het hy gedoen. Ek meen wie doen dit. En dan sê God; Dawid het net gedoen wat reg is in God se oë. Het God dan vergeet🤷🏻‍♂️.

Exactly! God het vergeet! Ja, God het vergeet. Hy kies om te vergeet van Dawid se sonde. Dawid het hom voor God verootmoedig. Dit beteken hy het eerlik na God toe gegaan en sy sondes bely. Hy het vergifnis gevra. gaan lees maar Psalm 51. En God? God vergeet daarvan. ¹²So ver as die ooste van die weste af is, so ver verwyder Hy ons oortredinge van ons af. Die Bybel Nuwe Vertaling. (1998). (electronic ed., Ps 103:12).

Man, ek is dankbaar. Ek is bly. God is dieselfde gister, vandag en tot in ewigheid. God vergeet my sonde ook. My sonde, wat ek verootmoedig, eerlik, berouvol, voor Hom bely. GOD IS AMAZING🙌🏻

Ek lees hierdie storieboek: “This Tender Land.” Dis nogal ‘n goeie storieboek. In die boek praat een van die karakters oor God, wat ‘n Herder is. Daar het iets sleg met hom gebeur en hy kan nie vir God sien as goed nie. Hy sê toe die volgende: hy sê hy kan nie verstaan hoe kan God goed wees nie. Is ‘n herder nie veronderstel om die skape te slag en te eet nie. Is dit nie die eintlike doel van die skape nie? Dit tref my toe voor die kop. Ek het nog nooit so daaraan gedink nie.

‘n Week terug is ek in die Kalahari op ‘n skaap plaas. Ek het baie respek vir die boere daar. Die oggend vroeg kom ek op die boer se vrou af. Sy sit in ‘n skaap kraal en voer ‘n paar hanslammers met ‘n bottel. Daar is ook ‘n klein Steenbokkie. Te pragtig. Sy is baie lief vir hierdie lammers. Jy kan dit sien.

Die aand kom die boer, haar man, by ons braai aan. Hy sê toe twee goed wat my tref. Die eerste is. Sy vrou het 4 maande nadat die kallers gespeen is by die trop gekom. Daar was omtrent 500 skape in die trop. Sy roep toe: “Kom hierso my kinders.” En sowaar daar kom die klompie lammers uit die trop na haar toe aangehardloop.
Die tweede ding wat die boer my vertel is dat sy vrou nie meer eintlik wil hê hulle moet skaapvleis eet nie. Want, sê sy: “Mens eet nie jou vriende nie…”

Nou ja, terug by my oorspronklike vraag oor Jesus as my Herder. Ek kry toe my antwoord in die Bybel. Lees gou mooi saam met my:

¹⁰’n Dief kom net steel en slag en uitroei; Ek het gekom sodat hulle die lewe kan hê, en dit in oorvloed. ¹¹“Ek is die goeie herder. Die goeie herder lê sy lewe af vir die skape. 
¹⁴“Ek is die goeie herder. Ek ken my skape, en my skape ken My,
Die Bybel Nuwe Vertaling. (1998). (electronic ed., Jn 10:10-11; 14). Cape Town, South Africa: Bybelgenootskap van Suid-Afrika.

Daar is die antwoord. Dis die dief wat steel en SLAG en uitroei. Nie die goeie Herder nie. Die goeie Herder ken sy skape en sy skape ken Hom.

Spreuke 27:17 sê “Yster slyp yster, vriende vorm mekaar.” Dit het my laat dink? Hoekom yster? Yster is hard. Wat van papier of hout? Of miskien as jy regtig wil hard raak; klip.

Ek het die naweek ‘n Ape reunie gehad. Ja, “Ape” Soos n diertjie. Soos in sirkus. Dis ons voortrekker span se naam. Ons is die Ape. Dis ons span naam. Ons leier(of offisier) oom Neels is die Koning van die Ape. Hierdie spannetjie het begin toe ons in graad een was. Dis in die laat sewentigs. Ek het aangesluit toe ek 13 was.

Ons het getoer en gefliek en vis gevang en stout gewees en geval. Na skool het oom Neels ons bymekaar gehou. Ons het om en by elke jaar n reunie gehou. Al vir meer as 30 jaar.

Daar is nou al wyfie Ape en ‘n horde klein Apies.

En toe. Toe sterf oom Neels😢

Die afgelope naweek was ons weer bymekaar. En hierdie keer sonder ons oom Neels. Ons legend. Ons Pa, ons vriend, ons mentor, ons inspirasie. Hy is HUISTOE…

Dis waar die vriende en die yster ding vandaan kom. En ek dink ek weet hoekom gebruik die Bybel yster. Dis die yster dinge in die lewe wat ons vorm. Die swaarkry dinge. Die hard val goeters. Die foute. Yster slyp yster. Skerp. Hard. Die dood..,

En my grootste vriend. Jou grootste vriend. Jesus. Hy is ‘n Yster. Sy yster goeters is groot. Hy sê ek noem julle my vriende. Julle het my nie uitgekies nie. Ek het julle uitgekies. (Joh 15:11-17)

Jesus is die man van smarte. Sy smarte het my gevorm. My smarte het Hy gebruik. Gebruik vir wat? Om my vriende te vorm. En hulle smarte het Hy gebruik om my te vorm. En so slyp my yster vriende my en ek slyp hulle.

En die grootste yster van almal? Dis Jesus. My beste beste vriend. Hy gee nooit op nie. Hy bly slyp. Hy bly snoei. Ek is sy geliefde seun.

Vanoggend is Opstanding Sondag. Dis hoekom ons Sondag kerk hou en nie Saterdag nie. Dis huge… en op hierdie opstanding Sondag is Maria Magdalena in my hart. Die een uit wie sewe bose geeste gedryf is. Heel waarskynlik die vrou wat Jesus se voete met haar trane gewas het en met haar hare afgedroog het. (Lukas 8:2, Lukas 7:37-38, Johannes 20)

van haar het Phillip Yancey gesê: “Isn’t it amazing that the first person to see the resurrected Jesus was a former prostitute.”

Hierdie vrou het Jesus oral gevolg, sy was by die kruis (Johannes 19:25). Sy was vir Jesus baie lief. Jesus het vir haar ‘n nuwe lewe kom gee.

Die Sondagmore baie vroeg. Sekerlik rondom sonsopkoms het sy na die graf toe gegaan. Toe sy daar kom was die graf leeg. Haar hart was gebreek. Waar het hulle die liggaam van haar geliefde Jesus heengevat. Haar hart is gebreek. Die monster van die dood het haar Jesus kom wegruk. Sy sal nooit weer aan Hom kan vat nie, saam met Hom aan tafel kan sit nie. Sy voete kan aanraak nie. Sy hardloop terug om die ander dissipels te gaan vertel.

Baie dinge gebeur, en sy is weer alleen by die graf. Sy staan en huil by die graf. Skielik staan Jesus agter haar. Beleef sy liefde en deernis as Hy vir haar vra:

“Mevrou, waarom huil jy? Vir wie soek jy?”

Maria staan daar; weerloos en alleen. Waar is haar Jesus. Sy kan nie, sy wil nie sonder Hom leef nie. Hy het haar lewe verander. Sy is baie lief vir Hom. Al wat sy nog van Hom het; is sy liggaam. Haar geliefde Jesus. Haar Here; haar God…

en dan… dan sê Jesus: “Maria” en sy draai om; en herken Hom; en sê: “Rabboeni”

Dink jou daardie oomblik in. Sien haar gesig. Die verligting, die verassing, die liefde. Sien Jesus se gesig, sy oë, sy onbeskryflike groot liefde; vir sy geliefde dogter. Die voormalige vrou van die nag, die een uit wie sewe bose geeste gedryf is. Die sondaar.

Ek is ook Maria Magdalena… Die sondaar… die verloste… die geliefde seun…

Ek moet môre Stellenbosch toe ry om ‘n liewe vriendin te gaan begrawe wat die stryd teen kanker verloor het. Dis sad, baie sad…

Jesus gaan direk teen mense se manier in om die swaarkry en die dood te probeer omseil. Ons wil dit so maklik dismiss. Nie swaarkry en die dood in die oë kyk nie. Jesus is anders. Hy gaan daardeur.

Jesus die man van smarte noem party Hom. ‘n Mens kan Hom ook noem: Jesus, die man van die lewe. Want in Hom is daar lewe. Jesus het nooit probeer om te sê dat die dood en swaarkry mooi en goed is nie. Hy probeer dit nie sugar coat nie. By Lasarus se dood het Hy gehuil oor sy vriend wat dood is.

Maar lewe en vrede kom net as jy deur die dal van doodskaduwee gaan. As jy saam met Jesus deur die donker kloof stap. As ek swaarkry en dood nie probeer vermy nie, maak of dit nie bestaan nie. Maar, as ek daardeur. Dan kom ware lewe en vrede. Vir die een wat sterf is daar aan die ander kant van die dood virseker lewe en vrede en vreugde en harmonie en alles wat mooi is.

Mense sê baie maal vir my by ‘n roudiens of ‘n begrafnis. “Ag nee man, moet nou nie ‘n te groot storie maak van dit nie, kry dit net agter die rug.” Dis ‘n fout.

Mense sê; maar ek het nie ‘n keuse nie, dis net iets wat met my gebeur. Jy ek het ‘n keuse. Ek kan of in “denial” leef, of ek kan dit face en saam met my Vader wat my baie liefhet, daardeur.

As ek na swaarkry en dood deur Jesus se oë kyk. As ek daardeur gaan saam met Hom. Dan vind ek; Hy is die Lewe. Dan vind ek soms op plekke, waar ek dit die minste verwag, die blinkste Pêrel. ‘n Kosbare Pêrel wat ek koester en wat vir my die lewe kom gee.

Ek het onlangs ‘n huis gekoop. En dit het dinge aan my gedoen. Ek glo dit is geheel en al ‘n geskenk uit God se hand. Maar, toe kom ek agter. Nou het ek iets. Iets belangriks. Iets om te beskerm. Dis myne.

Hierdie jaar is lydenstyd special. Ek het in ‘n vorige blog geskyf oor my vas van suiker. Vas, gebed en gee, loop saam, kom ek agter. Ek wil stiltyd saam met God hê. Daar hoor ek die stem wat vir my lief was voor ek dit kon verdien. In my stiltyd hoor ek die stem, wat met my gepraat het, voor ek kon praat. Ek hoor die liefdevolle, lankmoedige, barmhartige, genadige stem van God (Joël 2:13)

Ek staan die ander dag so na my huis en kyk. En ‘n gewaarwording kom oor my. So ‘n warm gevoel. ‘n Duidelike stem in my hart. “Hierdie is nie jou huis nie. Jou huis is in die hemel by jou Vader, Jesus het vir jou gaan plek gereedmaak solank daar.“

Lydenstyd help my. Dit dryf my na God toe. Dit help my om te besef dat dit wat ek het, my lewe, nie ‘n besitting is wat ek moet beskerm nie. Iets waarvoor ek gewerk het. Iets wat hulle van my gaan wegvat nie. Nee, my lewe, dit wat ek het, is ‘n gawe uit God se hand. Dis iets om voor dankbaar te wees.

Kyk wat sê Openbaring…

¹⁹Hulle het stof op hulle koppe gegooi en geskreeu. Hulle het gehuil en gekerm en gesê:

“Hoe vreeslik, hoe vreeslik!

Die groot stad!

Almal wat skepe op see het,

het ryk geword van haar skatte.

In een oomblik is sy verwoes!”

 Die Bybel Nuwe Vertaling. (1998). (electronic ed., Re 18:19). Cape Town, South Africa: Bybelgenootskap van Suid-Afrika.

My eerste koppie koffie was bitter, baie bitter – en dit het my onmiddelik laat dink aan Jesus…

Dis eintlik my ma wat my op hierdie reis gesit het. Dis sy wat daarmee begin het. Maar ook my vroutjie. Ek praat met my ma op die foon en sy vra: “Gaan jy ook vas hierdie Lydenstyd?” Sy het my nog nooit so ‘n vraag gevra nie. En toe sê my vroutjie ook van die vas ding. En my vriend Pierrie kom toe ook by. Hy vra sommer direk – “gaan jy vas hierdie jaar?”

Die vas ding is eintlik vir my weird. Ek is eintlik lus om vir mense te sê gaan spring in die dam. Ek het nog altyd die idee gehad dat die kerk lelik wil wees met ons. Die ouens wil nie hê ek moet tjoklets eet in lydenstyd nie. En lydenstyd is sewe weke lank. Dit het alles gekom nadat ek jare terug die fliek “Chocolat” gekyk het. Ek het dit seker nie reg verstaan nie.

Maar hierdie jaar, hierdie jaar het die Here met my gepraat. En ek het besluit om suiker te los😳. Nou jy moet mooi verstaan. Ek leef op suiker. Dis koek en kondensmelk en tjoklets, dis Hazelnut Cappuccinos en coke, die lys gaan aan.

Ek is nou eers op dag twee. En weet jy, dit doen iets aan my hoor. Vanoggend hier by my kantoor toe wil ek beskuit eet. Karringmelk beskuit, ek love dit. En toe los ek dit, en toe dink ek aan Jesus…

As jy lus is lees hierdie gebed van Henri Nouwen. Vir my het dit dinge baie duideliker gemaak…

Lenten Prayer

The Lenten season begins. It is a time to be with you, Lord, in a special way, a time to pray, to fast, and thus to follow you on your way to Jerusalem, to Golgotha, and to the final victory over death.

I am still so divided. I truly want to follow you, but I also want to follow my own desires and lend an ear to the voices that speak about prestige, success, pleasure, power, and influence. Help me to become deaf to these voices and more attentive to your voice, which calls me to choose the narrow road to life.

I know that Lent is going to be a very hard time for me. The choice for your way has to be made every moment of my life. I have to choose thoughts that are your thoughts, words that are your words, and actions that are your actions. There are not times or places without choices. And I know how deeply I resist choosing you.

Please, Lord, be with me at every moment and in every place. Give me the strength and the courage to live this season faithfully, so that, when Easter comes, I will be able to taste with joy the new life that you have prepared for me. Amen.